Shillong, Lber 10
Ki ar ngut ki ‘thei ïalehkai ka Jylla ka Alisha Lyngdoh bad ka Bonifilia Shullai ki la paw hapoh ka thup ki 23 ngut ki ‘thei ïalehkai ki ban mih-khmat ïa ka kynhun ïalehkai Under-17 ka ri India ha ka jingleit ïalehkai paralok sha Myanmar.
Ïa kane la pynbna da ka coach ka Pamela Conti ha ka lah sngi U Blei na ka bynta ki ar tylli ki jingïalehkai paralok ki ban long ha ka 12 bad 14 tarik mynta u bnai pyrshah ïa ka Myanmar.
Kumba ka paw ka Alisha ka dei kaba la don bynta bad ka India ha ka SAFF U-19 Women’s Championship 2026 kaba la kut dangshen, hynrei ka Bonifilia kam shym la shah kynthup lang hapoh katei ka kynhun ïalehkai ka ri kaba la pynmih da ka kynhun ïalehkai Under-17.
Katei ka jingïalehkai ka long shi bynta ka jingpynkhreh na ka bynta ka AFC U-17 Women’s Asian Cup, ka ban long ha China ha u Jymmang mynta u snem. Te kumta ka India ka la don ha ka Group-B ha kaba kan ïakynduh pyrshah ïa ka Lebanon Japan bad ka Australia.
Ki kyrteng ki ‘thei ïalehkai ka India ki long
Goalkeeper: Munni & Surajmuni Kumari
Defender: Alena Devi Sarangthem, Alisha Lyngdoh, Divyani Linda, Elizabed Lakra, Joyshini Chanu Huidrom, Ritu Badaik & Taniya Devi Tonambam
Midfielder: Abhista Basnett, Alva Devi Senjam, Bonifilia Shullai, Julan Nongmaithem, Pritika Barman, Redima Devi Chingkhamayum, Shveta Rani & Thandamoni Baskey
Forward: Anushka Kumari, Anwita Raghuraman, Joya, Olivia Chanu Ningthoujam, Pearl Fernandes & Valaina Fernandes.
