Shillong, Lber 10
3 ngut ki thei ïalehkai kriket ka Jylla lem bad kawei ka nongïarap ki la shah jied ban mihkhmat ïa ka North East Zone ha ka Senior Women Inter-Zonal One-Day Trophy 2026, ban sa pynlong shen da ka BCCI ha Bengaluru.
Ka Debasmita Dutta kan shimti kum ka kapten, katba ka Rubi Chettri na Ri Bhoi bad ka Daïaka Warjri na Mairang kin don bynta lang hapoh kane ka kynhun. Katba ka Darishisha Mawroh na kane ka nongbah ka la shah thung kum ka Strength and Conditioning Coach.
Ka North East Zone kan pynkhreh ïa ka jingïalehkai kaba nyngkong ha ka Senior Women Inter-Zonal One-Day Trophy 2026 pyrshah ïa ka South Zone ha ka 11 tarik mynta u bnai ha Bengaluru.
