Shillong, Lber 12
Ka Nayabasti Youth Club ka la pynliem noh ïa ka Rangshken ACC da 81 run na ka bynta ban khur ïa ka jingjop ha ka lympung ïalehkai 5th District League T20 Cricket Tournament 2026 ba la pynlong da ka East Khasi Hills Cricket Association ha ka sngi Palei.
Ha kane ka jingïakhun kaba la long ha madan Saitsohpen kaba ha Sohra, ka Rangskhen kaba la jop ïa ka kynting pisa, ka la ailad shwa ïa ka Nayabasti Youth Club ba kan tied nyngkong ha kaba ka la kamai 160 run bad shah pynhap 7 wiket ha ki 20 over. U Rakesh Boro u la tied 48 run na ki 43 bol. Katba u Banshailang u la khur 3 wiket na ka bynta 25 bol ha ki 4 over.
Haba wan beh ïa ka thong, ki nongtied ka Rangshken ki la shah pynkhyllem lut baroh bad kamai tang 79 run ha ki 12.1 over. U Hamostar Sun u la tied 12 run na ki 12 bol. Katba u Sajib Debnath u la khur 3 wiket na ka bynta 22 run ha ki 4 over. Ïa ka nam Player of the Match la khur da u Rakesh Boro.
