Shillong, Lber 12
Ka jingkynriah klob ki rangïalehkai na ki district bapher bapher ne ka ‘inter-district transfer’ ban pynlong da ka Meghalaya Football Association (MFA) kan sdang naduh 16 tarik mynta u bnai, la pynbna u General Secretary Bah Sunesh Syiem.
ïa ki form jong kane ka jingkyntiap klob yn sdang ban die naduh 16 tarik mynta u bnai ha Shillong Sports Association kaba ha madan Polo, Shillong naduh ka por 2 hadien 5 baje janmiet. Katba ka jingsoi jong ki nongïalehkai kan long naduh 23 haduh 31 tarik mynta u bnai ha kajuh ka jaka.
Na ka liang ka MFA ka la kyntu ïa ki klob ba ki dei ban pynthikna ba ki kot ki sla kiba donkam ki dei ban ai hapoh ka por ba la buh. Yn ym pdiang ïa kiba wan pynpoi hadien katei ka tarik ba la buh.
