Shillong, Lber 12
Ka Young Guns CC bad ka Lok Bhawan CC ki la khur jingjop ha ka lympung ïalehkai Late P.A. Sangma Memorial T20 Cricket Tournament 2026 ba la pynlong da ka Shillong Cricket Associa -tion (SCA) ha ka sngi Palei.
Ha kane ka jingïakhun kaba la long ha madan ïalehkai kriket jong ka MCA ha Polo, ka Young Guns CC ka la pynliem noh ïa ka United XI CC da 6 wiket. Ka United XI kaba la kam trai ban tied nyngkong ka la kamai 98 run hadien ba ka la shah pynkhyllem baroh ki nongtied ha ki 17.4 over. U Bharat scored u la tied 29 run na ki 26 bol bad u Bijon Dey u la ïoh 20 run na ki 34 bol. Katba u Md Wahid u la khur 4 wiket bad ïa ki 2 wiket la khur da u Mewankitbok.
Hynrei ka Young Guns ka la lah da kaba suk ban kynjoh sha ka thong da kaba kamai 99 run bad shah pynhap 4 wiket ha ki 13.3 over. U Manthan Dey u la tied 31 run na ki 24 bol bad u Krishiv u la ïoh 25 run na ki 22 bol. Katba u Rajib Rai u la khur 2 wiket bad ïa ka 1 wiket la khur da u Bijon Dey. Ïa ka nam Player of the Match la khur da u Md Wahid.
Haba phai sha kawei pat ka jingïalehkai kaba ar, ka Lok Bhawan CC ka la jop da 8 wiket ïa ka
Shillong Sixers. Ka Shillong Sixers kaba la shimti ban tied nyngkong ka la kamai 78 run hadien ba ka la shah pynkhyllem baroh ki nongtied ha ki 14.5 over. U Sandeep Roy u la tied 33 run na ki 31 bol. Katba u Andrew Ropmay bad u Bikash Singha ki la khur mar 2 wiket.
Hynrei haba wan shimti ïa ka pali kaba ar, ka Lok Bhawan ka la lah ban kynjoh sha ka thong da kaba kamai 79 run bad shah pynhap 2 wiket ha ki 8.5 over. U Krishna Chettri u la tied 30 run na ki 21 bol bad u Andrew Ropmay u la ïoh 19 run na ki 20 bol. Katba u Manish Singh u la khur 2 wiket. Ïa ka nam Player of the Match la khur da u Andrew Ropmay.
