Shillong, Lber 12
Ka Red House ka la rah ïa ka nam kum ka ‘Overall Champion’ ha ka Annual School Sports 2026 jong ka Sacred Heart Girls’ Higher Secondary School.
Kane ka lympung ïalehkai kaba la neh lai sngi kynthih ka la sdang naduh 10 tarik ha madan jong ka Savio Juniorate ha Mawlai Motsyiar ha kaba ki khynnah ki la ïashim bynta shitrhem ha ki jingïalehkai bapher bapher kiba kynthup ïa ka 100m race, 200m race,400m race, Long jump, Javelin Throw bad kiwei kiwei ki jingïalehkai.
Ha kane ka sngi la wan sakhi lang da u Bah Kynmobiang Kyndait, Officer-Incharge ka Mawlai Police Station, Trafic Branch kum u kongsan bad u Rev. Fr. James Puthenthara (PA)SDB, Rector ka Savio Juniorate kum u symbud kongsan.
U Wandame Basaïawmoit u la ïoh khur ïa ka nam Best Athlete ha ka liang shynrang, katba ka Brimfull Nongrum ha ka liang ki kynthei (Junior Category) bad ka Christina Kurbah na ka liang ki kynthei (Senior Category).
Ka Yellow house ka la ïoh khur ïaka nam jop ha ka March-past jong ki Senior, ka Red House pat ka la jop ha ka Junior, katba ka Green House pat ka ïoh rah nam kum ka Most Discipline House.
La sam ïa ki khusnam sha ki nongjop da u kongsan bad u symbud kongsan.
