Shillong, Lber 13
Ki jingïalehkai jong ka lympung BNP Paribas Open kala nang bteng ha kaba ha ka liang jong ki Kynthei ka Aryna Sabalenka ka dang ïai jop, hadien ba ka la pynliem noh ïa ka Victoria Mboko da 7-6 (0), 6-4. Haduh mynta, kam pat shah rem satia ha kano-kano ka set, bad ha ka semi-final kan ïakynduh ïa ka Linda Noskova.
Katba Ka Elina Svitolina ka la leh ïa kaei-kaei kaba phylla da kaba pynliem noh ïa ka Iga Swiatek, kaba wan ha ka kyrdan ba ar, ha ka jingïalehkai kaba la shim por la san set.
Katba ha ka liang jong ki Shynrang u Jannik Sinner u la rung suk sha ka semi-final hadien ka jingjop kaba sted da 6-1, 6-2 pyrshah ïa u nong-America u Learner Tien.
U Sinner u la dei ban ïakynduh ïa u Alexander Zverev na Germany, uba la jop kumba dei ban long pyrshah ïa u Arthur Fils.
