Shillong, Lber 13
Ka lympung lehkai Cricket ka ODI ka la bteng da ka jingïalehkai kaba ar hapdeng ka Pakistan bad ka Bangladesh ha Sher-e-Bangla National Stadium, Dhaka.
Hynrei kane ka jingïalehkai la pynsangeh noh shipor namar ka jingjur jong u slap bad ka leilieh.
Ka Pakistan ka la kamai 274 ron na ki 47.3 over katba ka Bangladesh kaba dang ïaid tang 27 ron na ki 3 wiket ha ki 6.3 over.
La pynsangeh noh ïa ka jingïalehkai namar ka jingthaba ka leilieh bad u phria, nangta sa u slap uba jur. Watla u slap u la sangeh shen, pynban ki dang tap ïa ka madan namar ka dang don ka leilieh bad ka suiñbneng ka bym pat biang.
U Maaz Sadaqat ka Pakistan u la khur kiba bun tam da 75 ron na ki 46 bol, bad u Salman Agha u la ïarap sa 64 ron.
Katba u Rishad Hossain ka Bangladesh u la khur 3 wiket.
Ha kaba beh ïa ka thong ka Bangladesh ka don ha ka jingeh kaba khraw ha ka 27/3, hadien ba ki la duh noh ïa ki wiket ba nyngkong ha u Shaheen Afridi bad u Mohammad Wasim Jr. shuwa ba kan wan ka jingpynthut na ka suiñbneng. Ka Bangladesh kan dang donkam sa 248 ron ban kan jop ha kane ka jingïakhun.
Ka jingïalehkai ka dang duna ka lad mynta bad ki dang ap ïa ka suiñbneng. Lada lah ban bteng biang, ki over kin duna bad ka Bangladesh kan ïoh ïa ka target kaba thymmai katkum ka DLS method.
