Jowai, Lber 13
Ka jingïalehkai District Cricket League 2026 ba la pynïaid da ka West Jaiñtia Hills District Cricket Association, Jowai ha ki artylli ki madan la hap ban pyndam noh na ka daw u slap.
Ki kynhun ba thmu ai reng ki long ka War Jaiñtia United pyrshah ïa ka West Jaiñtia Police, ka Tympang CC pyrshah ïa ka Chutwakhu SC.
Hadien ka jingleit peit bniah ïa ka madan da ki Umpire ryngkat bad ki Captain jong ki kynhun ha ka por kumba 11:30 mynstep la lap ba ka madan ka la dap um bad ym long shuh ban pynïalehkai.
Kumta ki Umpire da ka jingïamynjur lang bad ki Captain ki la rai ban pyndam ïa ki jingïalehkai, bad ïa ki point la ïasam mar shi point hapdeng jong ki kynhun.
Ha ka 14 tarik ka jingïalehkai kan long hapdeng ka Moodymmai Su bad Khliehtyrshi SC ha Khliehtyrshi Mini Stadium, ka Goodwill Mupliang bad Riwar Titan CC ha Wahiajer Mini Stadium ha ka por 9:00 baje mynstep.
