Shillong, Lber 15
Ka Meghalaya Cricket Association ka la khot aplikeshon na ki nongïalehkai kriket kiba la tbit bha na ka bynta ka kam ki nongjied ne State-level Selector.
Ki nongjied ki donkam na ka bynta ki nongïalehkai Senior Men, Junior Men, Senior Women bad Junior Women. Ki kamram jong ki, ki kynthup ban wad bad jied ïa ki nongïalehkai ba tbit na ka bynta ki kynhun ïalehkai bapher bapher jong ka jylla, ban thaw bad pyntreikam ïa ki polisi ha ka ban jied bad ban ïatreilang bad ki coach bad kiwei kiwei ki heh jong jong ka synjuk.
Te kumta kino kino kiba kwah ki lah ban aplai ryngkat bad ki jingpaw ha ki jingïalehkai kriket bad ki kyrdan pule, ha kaba ki lah ban phai sha ka Cricket Advisory Sub-Committee hapoh ka 18 tarik mynta u Lber. Ki nongaplai lah ban phah lyngba ka email [email protected].
Ki nongaplai ki dei ban long hapoh 60 snem ka rta, ki dei na ka jaitbynriew trai ri trai muluk jong ka jylla Meghalaya lane ki dei ki nongshong shnong ba pura jong ka jylla. Ki dei ban long kiba la ju ïalehkai ha ka distrik/jylla bad ki dei ban don ka jingsngewthuh kaba biang shaphang ka jingïalehkai. Ka jingnang ban ïakren bad ban bishar bniah kaba khlaiñ ruh ka long kaba donkam.
Lada shah jied, ki nongaplai ki dei ban long uba lah ban leit shabar ka jylla na ka bynta ka jingthmu ban jied. Ki dei ruh ban ai ka jingkular ban don bad ha madan ha ka por ba pynlong ïa ki jingpyrshang ban jied ïa ki nongïalehkai ka Jylla.
