Shillong, Lber 15
Ka jingïaseng Khasi Jaiñtia Presbyterian Synod Mihngi ki Rangbah kaba Arphew saw kaba la long ha Balang Presbyterian Mowtyrshiah, West Jaiñtia Hills district ka la long kaba ïaid beit ïaid ryntih haduh ka jingïaseng kaba arsien kaba dei ha ka por 1:30 nohphai sngi watla ka la don ka jingpynthut hashwa ban kut ka jingïaseng kaba nyngkong.
Haba phai ha ka jingïaseng kaba ar sien ka la ïaid beit khlem don shuh ka jingpynthut ha u slap.
Ka choir ka bym ïoh rwai ha ka jingïaseng kaba nyngkong la ailad ban rwai lang ha jingïaseng kaba arsien kaba kynthup ïa ka Balang Barato, Mowkaiaw Standing choir, Standing choir Narpuh border presbytery, Shangpung presbytery standing choir, Standing Choir KJP synod Mihngi bad Balang Mowtyrshiah.
U Pastor CL Laloo u la sam ïa ka khubor jong ka ktien U Blei sha ki riewngeit kiba la poi da ki phew hajar ngut.
U Pastor u la pynkynmaw ïa ki riewngeit ba u Lasaros haba u la kem pang ka Mary bad Martha ki la pyntip sha u Jisu hynrei u Jisu u la kham slem ban wan bad u la wan poi sha ïing ka Mary bad Martha hadien ar sngi.
U la ong haba u Jisu u la poi u la lap ba u Lasaros u la khlad kumta ka Martha ka la ong ïa u Jisu, lada me la wan kloi u para jong ngi um pat ïap mynta u la don ha u lum jingtep bad mynta ka la sma iwtung namar phi la wan slem hynrei haba u Jisu u la phah khyllie ïa u maw jingtep bad hukum ïa u la Lasaros bad u la ïoh jingim.
Kumta u Pastor u la ong ba ka bor U Blei ka wan haba ap ha u trai bad to ap khmih lynti ha u trai ban ïoh jingpynthymmai.
