Aizawl, Lber:
Ki la don kumba 16 ngut ki briew kiba la duh ei ïala kajong ka jingim bad 581 tylli ki ïing ki la shah pynjulor na ka daw jong ka bor mariang ha Mizoram ha ka shisnem ba la lah, la pyntip u Myntri ka tnad pynneh pynsah mariang ha ka jylla Mizoram ha ka 12 tarik u Lber.
Ha ka jubab ba la thoh halor ka jingkylli jong u nongthaw aiñ ka liang pyrshah ka Mizo National Front (MNF) u K Laldawngliana, u Myntri u la ong ba ka jylla ka la sakhi ïa ki bun tylli ki jingjia ba sngewsih, kynthup ïa ki jingtwa khyndew, u slap uba jur, ki erïong bad kiwei kiwei ki jingjia jong ka mariang kiba wanrah ïa ka jingduh ïa ki mynsiem briew bad ki jingdon jingem.
U la ong ba ka sorkar jylla ka la ai ïa ka jingïarap pisa kaba mar T.4 lak sha kiba haïing ha sem jong ki 16 ngut kiba la khlad noh ha kine ki jingjia.
Katkum ka jingong u Myntri, baroh ki ïing ki sem kiba la shah pynjulor ha kane ka juh ka por ki long 581 tylli namar ka jingtwa khyndew, u slap bad kiwei kiwei ki jingjia ba sngewsih.
La ai jingïarap pisa ruh ïa ki longïing kiba shah ktah, ha kaba ka jingsiew bai lutksan ka long naduh T.1.3 lak haduh T.4,000 katkum ka kyrdan jong ka ïing bad ka jingheh jong ka jingshah pynjulor, la ong u Lalnilawma.
