Washington, Lber:
U President ka United States, u Donald Trump, ha ka Sngi Thohdieng u la byrngem ba un pynjur ka jingleit hiar thma sha Iran ha kine ki khyndiat sngi ban wan, ha kaba u la kob ruh ba ki shipai US ki la ioh ban pyn-um ia kumba 90% ki ‘namding jong ka Iran.
Haba ai jingkren ha ka jingiakren bad ki lad pathai khubor ba la pynsngew paidbah ha ka prokram ‘Brian Kilmeade Show’, u Trump u la ong ba ka jingleit hiar thma jong ka US sha Iran, ka kham suk bun shah bad ka bym shim por eiei ban ia kaba ka la dep antad lypa.
Utei u President jong ka US u la ong ba ki shipai ka America ki la ioh ban buh thong ia ki shlem pynmih ‘namding bad ki shlem pynmih drone jong ka Iran.
Namarkata, u Trump u la byrngem ba ka US ha kane ka sien, kan ther tyngeh noh da ka bor ba shisha jongka, palat ban ia kaba ki ri ka pyrthei ki la dep iohi ia ka jing shyrkhei jong ka Thma Bah ba ar.
