Mawkyrwat, Lber 15
Ka ophis u Sub-Divisional Officer jong ka Ranikor Civil Sub-Division ryngkat ka jingïatreilang bad ka ophis u Block Develop -ment Officer, Ranikor C&RD Block, ha ka sngi Saitjaiñ ka la pynlong ïa ka jingïakop mareh ba la tip kum ka ‘Ranikor Run’ halor ka phang, ‘Her Health, Our Further’.
Ïa kane ka jingïakop mareh la kyrshan pisa da u MLA & MDC ka Ranikor Konstitwensi u Bah Pius Marweiñ.
Ha kane ka marathon la sdang na ka jingkieng Borsing bad pynkut ha jingkieng ba don hajan ka ophis u Block Develop-ment Officer, Ranikor C& -RD Block bad la wan ban ïashim bynta da kumba 2000 tam ki kynthei kiba hapoh ka Ranikor Block.
Ïa ka kyrdan ba nyngkong ha ka liang ki Adult la khur da ka Enika D Shira, ba-ar ka Serum Pina CH Momin bad balai da ka Ibadalin Langte. Katba ha ka Young Adult la jop da ka Banpynshai Syiemlieh, ïa ka kyrdan ba-ar la jop da ka Shembiang Lyngkhoi bad balai ka Rinilla P Marak .
Haba phai sha ka kyrdan jong ki Junior ba wan nyngkong la ïoh da ka Rinchinam Marak, ba-ar ka Cjirikchi M Marak bad balai ka Manwe D Shira. Katba ha ka kyrdan jong ki Adolescent la khur jingjop da ka Montana M Sangma, ba-ar ka Kyrhailin D Sngama bad balai ka Rikmasa M Sangma.
Ha katei ka sngi la ïoh ruh la jingpynshai kaba dei halor ka phang, “Women’s Health and Early Childhood Develop-ment”, ha kaba ki nong-kren ki kynthup ïa ka Kong Madakini Lamare, ECD bad u Bah Gordon Pde, Project Manager, Panchayati Raj Insti-tutions Community Based Organization, MSRLS, Shillong ha kajuh ka por la ïoh ruh ban sam ïa ki khusnam da ki song pisa sha baroh ki nongjop ha kane ka jingïamareh marathon.
