Shillong, Lber 15
Ka lympung ïaleh-kai 2nd BIG Futsal Fest (inter-office tournament), kan sdang naduh ka sngi Ba-ar ha Thrive Sports Arena kaba ha Langkyrding.
Ïa kane ka lympung ban pynlong da ka BIG FM ha ryngkat ka jingkyrshan lang da ka tnat ïalehkai ka Sorkar Jylla.
Kane ka lympung kan pynïasoh lang ïa ki nongïalehkai kiba tbit na ki tnat treikam bapher bapher jong ka Sorkar Jylla lem bad kiwei ki trei kam jong ki riew shimet na ka bynta ban pynshlur ïa ki ban ïashim bynta khnang ban ïoh ïa ka koit ba khiah.
Ha kane ka lympung kaba ban neh haduh san sngi kin don haduh 16 tylli ki kynhun ki ban ïashim bynta ban ïaknieh ïa ka nam lahduh. Lah ban kdew ba u snem 2024, la rah ïa ka nam lahduh da ka kynhun ïalehkai jong ka Meghalaya AG Office.
“Ha ka BIG FM, ngi ngeit ha kaba thaw ïa ki rynsan kiba pynshlur ïa ka jingïatreilang jong ki paidbah bad ïasam ïa ka mynsiem ïalehkai,” la ong u CEO u Ashit Kukian ha ka kyrwoh. “Ka BIG Futsal Fest ka pynpaw ïa ka jingangnud da kaba wanrah lang ïa ki nongïalehkai ba kynsai ba kin pyni ïa la ki sap.”
