Vijayawada, Lber:
U Myntri ka tnad HRD u Nara Lokesh u la maham ban leh da kaba tyngeh pyrshah ïa kito kiba don ka jingkitkhlieh ban ai ïa ki jingbam ba duna ka jingkhuid jingsuba, ka jingbha bad ka jingbam ba tei met sha ki khynnah pule kiba hap hapoh ka Mid-day meal Scheme.
Hadien ka jingkynnoh ba ka jingbam shiteng sngi ka long kaba sniew ha kawei ka skul sorkar ha Mylavaram, u Lokesh u la bishar bniah ia katei ka kam bad ki heh ka tnad pule puthi lyngba ka phone. Ki heh sorkar ki la ïathuh ba ka jingtohkit jong ki ka la lap ba u nongpynïaid jong ka skul, u John, u la shah kynnoh ba u la ïalam bakla ïa ki khynnah skul bad u la pynsaphriang ïa ki khubor kiba bakla ha ki social media ban pynmih ïa ka jingïakren sniew ha kaba u la shah weng kam shipor.
U Lokesh u la bthah ïa ki heh sorkar ban pyrshah ïa kum kine ki jingpyrshang bad ban ïada ïa ka nam jong ka skhim. U la hukum ba u nonghikai u dei ban pynshisha ïa ki jingbam hadien ba la dep pynkhreh shwa ban ai sha ki khynnah skul hapoh katei ka skhim.
