Shillong, Lber 15
Ki artylli ki longïing kiba don ha ka Shnong Mawlong ba hap ha ka 13-Mawrynkneng Constituency ha ka step 15 tarik Lber 2026 ( Sngi U Blei) ki la mat ïa ka jingjia ba sngewsih ha kaba kine ka longïing ki la shah lynshop ha ki bor mariang ba ka lyer ka la rat ki tnum ïing bad ki tiar ki tar ba don hapoh ïing.
Haba ïoh jingtip ïa kane ka jingjia u MLA ka Mawryngkneng u Bah Heaving Stone Kharpran mar mar mar u la leit ban jngoh ïa kitei ki longïing ha ka jingdon ryngkat lang u Secretary shnong ka Shnong Mawlong u Bah Rister Mukhim, Kine ki longïing ba shah ktah ki dei ka ïing jong ka Kong Dina Lyngdoh Nongbsap bad ka Kong Sidahun Nongrum.
Halor kane ka jingjia u MLA ka thaiñ, u la pyntip sha ki bor ba dei peit na ka bynta ban pynïoh ïa ki lad jingïarap sha kine ki longïing kiba la mat ïa kane ka jingjia bad u la pynthikna ruh ba ha kane ka jingjia kam shym la ngat ha ki jingjia ba sngewsih.
U Bah Heaving u la pynpaw ïa ka jingsngew bynniaw halor ka jngsuki ki lad jingïarap na ka Sorkar bad ong ba un ïai buddien halor kane ka kam namar ka long kaba donkam bha khamtam ïa kiba duk ba suk kiba donkam ïa ka jingïarap ha kum kane ka por.
Ha kane ka jingleit jngoh ïa kine ki longïing ba kynduh ïa kane ka jingjia u MLA u la kner ïa ki jingïarap sha kine ki longïing bad u la pyntip ba un dang buddien ïa ki kam kiba dei ban ai jingïarap ba ka Sorkar ban kner ïa ki jingïarap sha kine ki longïing.
