Shillong, Lber 17
Ka East Khasi Hills Cric-ket Association ka la lah ban bteng biang ïa ka lympung ïalehkai 5th District League T20 Cricket Tour-nament 2026 ha ka sngi Ba-ar ha kaba ka Thynroit CC ka la khur ïa ka jingjop, hadien ba ka la pynliem noh ïa ka Sohra Police Combine da 5 wiket.
Kane la wan hadien katto katne sngi ba ym shym la lah ban pynurlong na ka daw ka jingshah pynthud ha u slap.
Haba phai sha katei ka jingïakhun, ka Sohra Police Combine ka la kam trai ban tied nyngkong ha kaba ka la kamai 161 run bad shah pynkhyllem baroh ki nongtied ha ki 19.5 over. U S. Baraily u la long u nongtied uba la ïoh bun da kaba u la kamai 42 run na ki 22 bol. Katba u Kitlyngkor Nongkhlaw u la khur 2 wiket na ka bynta 14 run ha ki 4 over.
Haba wan shimti ïa ka pali kaba ar, ka Thynroit CC ka la lah ban kynjoh sha ka thong da kaba kamai 167 run bad shah pynhap 5 wiket ha ki 17.2 over. Kane ka la wan lyngba ka jinglah ban ïalehkai bha da u Gratify uba la ïoh ban khyrwit ïa ka spah run kaba 126 na ki 65 bol bad u la khur ruh ïa ka nam Player of the Match. Katba u Meban Wankhar u la khur 2 wiket na ka bynta 27 run ha ki 4 over.
