Shillong, Lber 18
U MLA bad MDC barim, Bah Process T Sawkmie u la pynpaw ba ka ilekshon MDC ka dei ban long beit thik tang na ka bynta ki Khasi Jaiñtia bad Garo.
U Bah Process u la pynpaw ïa kane hadien ba u la ïohi ïa ka jingjia ha rilum Garo kaba la wanrah ïa ka jingïakhih kaba jur ban pyrshah ïa kiwei ki jaidbynriew ki bym dei ki Garo ban ïakhun ïa ka ilekshon sha ka Garo Hills Autonomous District Council.
Ïa kaba u la pynpaw ruh, kiwei ki jaidbynriew bym dei Khasi Jaiñtia bad Garo kin tip aiu shaphang ka riti dustur jong kine ki lai jait ki riewlum kiba don hapoh ka jylla Meghalaya.
U la ong ruh ka la dei ka por ban amend ne pynkylla noh ïa ka AD Rule Assam Meghalaya 1951, khnang ba tang ki Khasi Jaiñtia bad Garo thik kin ïakhun ïa ka ilekshon MDC.
