Shillong, Lber 18
Ka Cricket Smit bad ka Seng Samla Mawlong Mawriang ki la khur jingjop ha ka lympung ïalehkai 5th District League T20 Cricket Tour-nament 2026 ba la pynlong da ka East Khasi Hills Cricket Association ha ka sngi Balang.
Ha kane ka jingïakhun kaba la long ha madan Saitsohpen kaba ha Sohra, ka Cricket Smit ka la kam trai ban tied nyngkong ha kaba ka la kamai 143 run bad shah pynkhyllem baroh ki nongtied ha ki 19.1 over. U Nikodomas Lyngwa u la tied 35 run na ki 29 bol. Katba u Mewankitbok Kharpuri u la khur 4 wiket na ka bynta 21 run ha ki 4 over.
Haba wan beh ïa ka thong, ka Cricket Lovers ka la kamai tang 128 run bad shah pynhap 8 wiket ha ki 20 over. U Dame-chwa Khongsngi u la tied 39 run na ki 38 bol. Katba u Bashaikupar Nongdhar u la khur 3 wiket na ka bynta 21 run ha ki 4 over. Ïa ka nam Player of the Match la khur da u Raymond Thabah.
Haba phai sha kawei pat ka jingïakhun kaba ar, ka Seng Samla Maw-long Mawriang ka la jop da 20 run ïa ka Thynroit CC. Ka Seng Samla Maw -long Mawriang kaba la shimti ban tied nyngkong ka la kamai 123 run bad shah pynhap 8 wiket ha ki 20 over. U Jibon Singh u la tied 40 run na ki 33 bol. Katba u Khraw Mylliemngap u la khur 2 wiket na ka bynta 15 run ha ki 4 over.
Haba wan beh ïa ka thong, ka Thynroit CC ka la kamai tang 103 run hadien ba ka la shah pynkhyllem baroh ki nongtied ha ki 16.2 over. U Gratify u la tied 22 run na ki 19 bol. Katba u Bankit Nong-traw u la khur 4 wiket na ka bynta 23 run ha ki 4 over. Ïa ka nam Player of the Match la khur da u Bankit Nongtraw.
