Kolkata, Lber:
Ka por ban pynlong ïa ka ilekshon Assembly ha Assam, West Bengal, Tamil Nadu, Kerala bad ha Puducherry la pynbna. U Chief Election Commissioner u Gyanesh Kumar u la ïasam ïa ki tarik ha ka jingïakren bad ki nongthoh khubor ha New Delhi ha ka 15 tarik u Lber.
Kane ka jingpynbna ka buh ïa ka lad na ka bynta ka jingïakhun ha ka kam saiñ pyrthei kaba jur bha ha West Bengal. Ka jingthep vote ha ka jylla kan long ha ka 23 tarik u Lber bad ka 29 tarik u Lber bad yn pynbna ïa ki nongjop ha ka 4 tarik Jymmang.
Ka jinglong jingman jong ka ilekshon ha ka jylla ka la sdang slem bha shwa ban pynbna ïa ka por ilekshon. Ka Election Commission of India ka la pynlong ïa ka Special Intensive Revision (SIR) jong ka thup kyrteng ki nongthep vote ha kine ki ar bnai ba la dep. Ka jingpyntreikam ka la kylla long shen sha ka jingïakynad ha ka saiñ hima sima. Ka la khring ïa ka jingpyrkhat ha kylleng ka ri bad ka la poi ruh shaduh ka ïingbishar ba hakhliehduh jong ka ri India.
Da ka jingdon jong ka kalendar ilekshon mynta, ka jingpyrkhat ka la phai sha ka por, ki jingthmu saiñ hima sima jong ki seng bad ki jingïakynad kiba ktah ïa ka jingïakhun.
