Jowai, Lber 19
Ka shlem treikam u District Sports Officer (DSO), West Jaiñtia Hills ha ryngkat ka jingïatreilang bad ka West Jaiñtia District Sports Association (WJDSA) kan pynlong ïa ka District Level Inter School Athletic Meet 2026 ha u Ïaïong.
Ha kaba ïadei bad kane, katei ka shlem treikam ka la pyntip ba kan don ka jingïalang bad baroh ki Principal /Headmaster/Headmistress bad ki nongpyniaid jong ki skul ka ban long ha ka 25 tarik mynta u bnai ha Kiang Nangbah Indoor Sports Hall ha ka por 1 baje nohphai sngi ban ïakren haba ïadei bad kane lympung.
