Shillong, Lber 19
Ka lympung ïalehkai 5th District League T20 Cricket Tournament 2026 ba la pynïaid da ka East Khasi Hills Cricket Association, ka la nangjam shaphrang ha kaba ka Lumpaia Avengers ka la khur jingjop hadien ba ka la pynliem noh ïa ka Mawphlang CC da 15 run ha ka sngi Palei.
Ha kane ka jingïakhun kaba la long ha madan Laitryngew kaba ha Sohra, ka Lumpaia Avengers ka la kam trai ban tied nyngkong ha kaba ka la kamai 73 run bad shah pynkhyllem baroh ki nongtied ha ki 14.5 over. U John Cliff Shabong u la tied 19 run na ki 24 bol. Katba u Janai u la khur 3 wiket na ka bynta 19 run ha ki 4 over.
Haba wan beh ïa ka thong, ka Mawphlang ka la kamai tang 58 run hadien ba ka la shah pynkhyllem baroh ki nongtied ha ki 16.3 over. U Saiñdorlang Ripnar u la tied 16 run na ki 23 bol. Katba u Ralphy H Diengdoh u la khur 3 wiket na ka bynta 5 wiket ha ki 4 over. Ïa ka nam Player of the Match la khur da u Ralphy H Diengdoh.
