Thailand, Lber:
Ha kane ka jingjia kaba sngewsih, la ong ba 2 ngut ki shijur, kiba kynthup ia u Tom Pardhy uba 38 snem ka rta bad ka samla jong u, ka Naomi Raksha, ki la poi hospital hadien ba ki la dih ia ka jingdih na kawei ka jaka hapoh Bangkok, ia kaba la ngeit ba la don kino- kino ki kynja jingkhleh kiba long dawai ne long bih hapoh katei ka jingdih. Kitei ki shijur ki la leit poi sha Thailand la 6 taiew hashwa jong katei ka jingjia kaba la jia ha ka 6 tarik jong une u Lber.
U Pardhy, u long u nongshong shnong jong ka Britain bad u dei u nonghikai kilan met Yoga bad u nongpynsphriang ia ki sur jingrwai ha kylleng ka nongbah London bad kaba sngewsih ka long ba u la khlad noh syndon ha katei hi ka jingjia. Watla ia ka daw ba tikna jong ka jingiap jong u, ym shym la lah ban pynpaw paidbah, hynrei kiba ha iing jong u ki khot ia ka “ka jingkhlad kynsan, kaba shu jia ryngkhat bad kaba khlem poi pyrkhat”.
Katkum ka khubor jong ka Daily Mail, ka kmie jong ka Naomi ka la kam ha ki social media ba kitei ki arngut ki la shah “ai jingdih ba la khleh da ki kynja dawai bih ha katei ka dukan kaba ki leit dih leit bam hapoh Bangkok”.
La pynkit mar mar ia ka Naomi sha Hospital. La iathuh ba ka la ngat ha ka jingpang klongsnam bad la pynbna ba ka la iap bunsien shwa ban pynim biang ia ka. Mynta ka dang koit ha ka jaka pynbhabriew.
La thaw ia ka GoFundMe page ban iarap ia ka bai sumar jong ka Naomi. U hynmen jong ka, u Jonathan Raksha, u la thoh, “Nalor kata, kumba 24 kynta hadien, ngi la tip ba u samla ba ieid jong ka, u Tom, um shym la jubab satia. Ka Naomi, ka don mynta ha ka jaka sumar, kaba koit ha ka met, ka jingmut jingpyrkhat bad ka mynsiem.”
Ka kmie jong u Pardhy, ka para bad ka Naomi ha ka Instagram ki la thoh: “Ngi tip ba kane ka long ka jingkyndit kaba shyrkhei ïa baroh ki paralok ba bun jong u. U long ka jingshai ba pura ha ka shnong East London jong u bad shabar. Naduh ka jingïaid lynti jong ka tamasa haduh ka shnong yoga ba ieid jong u, ngi tip ba un shah kynmaw bha ha kiba bun kiba ïarap ïa phi.”
Ka ophis treikam jong ka ri UK, ka la ai jingkyrshan ïa ka longïing jong u Tom bad ka dang ïakynduh bad ki bor pyniaid shnong ban pyndep ia ki jingdonkam ba sah. Hynrei kane ka jingjia ka la pynmih ïa ki jingsngewkhia halor ka jingshngaiñ ha ka leit ka wan bad ka jingdonkam ban long kiba husiar haba dih ia kino- kino ki jingdih ha ki jaka bym tip tikna.
