U Bakynmaw
Ka jingïadei jongngi bad kiwei pat ki jingthaw ba ha bneng ka phalang jingmut ba ngim pyndonburom te ym long bad ba ngin ym sakma da leilei kum ki briew ba don burom. Kum ka shad ka kmen, kam dei kaba shu buh da u nongthaw nongbuh bynta sam bynta. Hynrei da ki jingmaïan suda ba lada ngi pyndonkam bakla ka shu long leh rongphong bad pynjaboh noh ïa ki jingshisha ba pyndap pynbiang da u Longshuwa Manshuwa.
Ban nym sah lyngngoh dei ban buddien bha ïa ka mynnor kumno la pyneh rngiew ïa ka dustur ka Riti bym don jingïadei bad ka pyrthei sngi bad ban nym duh jingkyrmen ban sah pyrto junom haduh ban nym sngew synei ïa lade te ka dei ka mane ksuid kaba lah ban pynïakhlad. Tang kata hi ngi sngewthuh shai ba nym lah ban sngewthuh bakla ioh ba kan pynbynnud ïa la ki jong ki jingaiei ba la tip bad ioh diang te naduh u mynkulong kumah kiba da sngewthuh shai ïa ka dor jong ka jingkieng ksiar khlem kynran dien.
Ka shad ka kmen kan ym duh jingkyrmen haduh kine ki sngi kan nym don jingwit lada ki pynjanai bad pyniohi ïa ka lashai lashisngi.
Ban nym duh jingkyrmen dei ban pynphai ïa ka dustur ïa ka riti ym ban shu mutdur ne pynjaboh ïa kine ki sngi ki bym don jingngeit ba ka shon iap lada phi leh bakla. Sada kumwei pat. Kumba ki dei ban tynneng matlah ruh ngin matlah noh bym don jingieid Ri, ïa ka doh ka snam ngin shu pynswai ei ka long ka long ka jingduh noh ïa ka bor jong kiba kham don burom ha bneng ba la pynkhamti beit ïa kiba ha khyndew bym bit ban pynlehraiñ da leilei ruh.
Shaba palat, lada phi tip kam don jingïadei shuh syndon ka jingwan hiar wan kiew ka maïan jong kiba don bor bha ha bneng. Ki secretary kiei kiei kim tip ba kan don ka jingpynïakhlad noh tang namar ka jingbym imsngi ïa ka rukom ba ki da tip bad kam don burom shuh ban dang ïa bam jakhluid ban pynïamap ïa kita ki por jong ki longshuwa kiba da ioh diangti. Shisien ka sngi ngin babe dier por. Kumba u Kiang Nangbah ula iohi lupa ïa kita baroh tang ba um ju ong eiei. Kumjuh u Tirot sing uba la buhnud lypa ba kam don burom shuh ka Ri khasi ban kumne shisha ha kita ki por.
Kyntang ïawai, wat pynlehraiñ shuh sien ïa ka Ri Khasi, khamtam ki Rangbah Seng kim khmih lynti ban wan pynjaboh ha ka shad. Sumar noh ïa ka jingïadei ban lait na u nongbishar la phi dang sotti ne phim sotti shuh wat wan bishar leh ïa kaba isynei ba ka dei ka shad ka kmen jong ki riew ieid Ri. Pynban burom beit ha kata ka rukom ban nym ïa bun ñia bad kitei kiba nang trei Ri bym ju ibang shisha ba pyndokam bakla ïa ka dor jong ka shad ka kmen u khun Khasi Khara. Lym kumta ka shu long leh nohei ka jingpynkhreh baroh ka ba da dap jingkyrkhu ïa kiba wan shim bynta. Ioh ba kan poi ka por ban shu shim beit ïa ka jain ka nep khlem jingsalia ban khyllied. ïa ka mynrain ka bym ju sngew ïahap da lei lei ban leh kumta. Ioh ba ka sang yn thom da kam banse, ba ioh tang namar iwei iba wan pynijli duh burom lut baroh kiba wan ïa shim bynta, te haei kata ka dor jong ka shad ka kmen kaba naduh ki pateng bynriew jong ka sotti juk ki bym ju pynkhlem raiñ ïa ka bor jong u Blei aiu aiu ruh.
