Shillong, Lber 20
Ki pulit ka South West Garo Hills ha ka sngi Thohdieng, ki la ïoh jingtip ba la don kawei ka longkmie kaba la shah pynïap dusmon ha shnong Jaluagre kaba don hajan Rangsakona.
U Superintendent of Police ka South West Garo Hills, u Vikash Verma u la pyntip ba katei ka kynthei ka dei kaba la tip kyrteng kum ka Nemjak Ch Marak, kaba la kynnoh ba ka la shah thombor bad shah pynïap namar ka shah suba ba kadei ka men ai ksuid ne witchcraft.
U SP u la pynshisha ïa katei ka jingjia da kaba ong, ba kane ka jingjia ka la jia ha ka por 5 baje mynstep. Ka daw ka dei namar ka shah suba ba kadei ka men ai ksuid. Ha kaba la pynthikna ruh ba katei ka longkmie bad ïa uba la suba shah kynnoh ki dei na ka jaitbynriew Garo bad la kem noh ïa uba la suba u nongpynïap da ki pulit ka SWGH bad la shim ïa ki sienjam katkum ka aiñ BNS.
