Shillong, Lber 20
Ka khubor ba sngewsih na ka bynta ki nongkyrshan jong u Cristiano Ronaldo u nonglehkai ba radbah jong ka Portugal ha kaba un nym ïoh ban ïakhun ha ki jingïakhun paralok (friendly matches) kiba bud namar ka jingmynsaw ha ka bynta ki dohksah jong ka kjat (hamstring).
Kane ka jingmynsaw jong u Ronaldo ka la jia ha ka por ba u dang lehkai na bynta ka klob jong u ka Al-Nassr, ha ka por ba ki jop 3-1 kol ïa ka Al-Fayha ha ka 28 tarik u Rymphang 2026.
Watla nyngkong ki tharai ba ka long kaba rit, une u rangïalehkai ba 41 snem ka rta um pat shym la lah ban ïakhun kumba lai taïew tam bad u dang ïoh ki jingsumar ba kyrpang ha Madrid.
U Coach ka Portugal, u Roberto Martínez, u la pynshisha ha ka sngi Thohdieng ba u Ronaldo um pat bit (fit) ha ka koit ka khiah bad u hap iehnoh ïa ka kynhun ban ïakhun ha ki jingïalehkai ha une u bnai Lber.
Ka Portugal ka dang pynkhreh mynta na ka bynta ka FIFA World Cup 2026 ka ban sdang ha u bnai Jylliew bad ki hap ban ïakhun pyrshah ïa ki ar tylli ki kynhun ba khlaiñ khlem u ‘captain’ jong ki, kata pyrshah ïa ka Mexico ha ka Mexico City bad ïa ka USA ha Atlanta.
