Washington, Lber:
Katkum ki kaiphod ba la ioh lum, la shem ba kumba 16 tylli ki liengsuiñ iapom jong ka US, ki la dep julor bad duh ei noh hapdeng ka jingiakhun thma bad ka Iran, kynthup ia 10 tylli ki liengsuiñ rit bad ki drone kiba la ioh siat pynjulor da ki shipai ïada ri jong ka Iran bad kumjuh ruh kito ki liengsuiñ kiba la leit hap bakla lane kiba la kum ia bakla para ma ki ha ka por ba ïakhun ia ki liengsuiñ thma ka Iran.
Ki jingduhnong kiba kham shyrkhei ki dei namar ki jingjia aksiden: lai tylli ki liengsuiñ F-15 jong ka US ki la shah pynhap ha ka ding paralok ha Kuwait, bad kawei ka jhad kit umphniang KC-135 ka la shah pynjot ha ka por ba pyndap umphniang. Baroh 6 ngut ki nongtrei jong katei ka tanker ki la iap ha katei ka jingjia aksiden.
La iathuh ba phra tylli kiwei pat ki liengsuin KC-135, ki la shah pynjulor ha ka jingshah siat namding jong ka Iran, ha ka por ba ki dang pynieng ha kawei ka kad liengsuin ha Saudi Arabia.
Haduh mynta tang ki liengsuiñ Reapers ki bym don nongtrei ki la shah pynhap ha ki bor ïada jong ka Iran, ha kaba ym duna ïa ka hynriew tylli ki la shah pynjot ha ka suiñbneng, ong u briew uba tip bha ïa kane ka kam. Kawei ka la shah siat ha kawei ka kad liengsuin ha Jordan da u namding ballistic missile, la iathuh ki briew kiba tip bha ia katei ka kam.
Kiwei pat ki ar tylli ki Reaper ki la duh noh namar ki jingjia aksiden. Ki drone ki dei kiba la thmu ban long kiba lah ban “sniew” – la pynher ha ki jaka ba kham don jingma namar ba kim kit ia ki nongniah bad ki kham rem dor ban bujli ban ia ka liengsuin kaba don ki nongtrei.
Ha ka jingïalehkai suiñbneng kaba heh kaba khatduh kaba ka US ka la ïadon bynta, ka jingwan rung ki shipai ha Libya ha u snem 2011, ki la don tang lai tylli ki jingshah rem ha ka jingïalehkai ha ki saw bnai. Kawei na kine ka dei ka drone jong ki shipai duriaw jong ka US.
Ka jingheh jong ki kam, ha kaba ka US ka ong ba ka la pynlong kham bun ki jinghiar thma ha ka sngi ba nyngkong jong ka thma ban ïa ki jinghiar thma na suiñ jong ka thma Gulf, ka lah ban batai ïa ka jingduhnong kaba heh bha, ong u Peter Layton, u ophisar barim jong ka Royal Australian Air Force bad u paralok ba wan jngoh ïa ka Griffith Asia Institute.
“Ka jingiapher ka lah ban long ka jingpyrshang kaba kham heh shibun,” la ong u Layton. “Ki sorti kiba kham bun ki her man la ka sngi.”
Ka tnad shipai jong ka US, ka la kyntait ban kren eiei, da kaba ong ba kan nym ïakren halor ka jingkheiñ ïa ki jingjulor ha ka thma.
Watla ki tiar ïada suiñ jong ka Iran ki long ki thong ba kongsan eh jong ka jingleit hiar thma ka US bad Israel, hynrei ban pynduh pyndam noh shi syndon ïa ki, ka dang long kaba eh ia ka US bad Iran.
