Shillong, Lber 22
Ka Meghalaya State Information Commission ha ka sngi Thohdieng ka la pynlong ïa ka prokram ai jinghikai bad pynsngewthuh ïa ki paidbah halor ka jingpyntreikam hok ïa ka aiñ RTI (RTI) Act, 2005 bad ïa kane ka prokram la pynlong ha DRDA Conference Hall, DC Office, Ampati South West Garo Hills District.
Ka jingthmu jong kane ka prokram ka long ban pynjanai ïa ka jingsngewthuh ki paidbah shaphang ka aiñ RTI, kumjuh ki kyndon jong ka bad ka bor ban pyntreikam ïa ka. Ki phang ba kongsan ki kynthup ïa ki kamram jong ki Public Information Officers (PIOs), Assistant Public Information Officers (APIOs), and First Appellate Authorities (FAAs).
Haba kren ha kane ka sngi u Bah M.K. Wankhar, MCS, Assistant Commissioner jong ka South West Garo Hills, u la pynpaw ïa ka jingkitkhlieh jong ki PIO bad ki APIO, kumjuh ruh ïa ka jingdonkam ban bud ryntih ïa ka rukom treikam jong ka RTI khnang ban pynthikna ïa ka jingpynpoi ïa ki jingtip ha ka por kaba biang.
U ophisar S.R. Marak, MCS, Additional District Education, u la batai bniah shaphang ki kam bad ki jingkitkhlieh jong ka ‘First Appellate Authoritie’ da kaba pynksan ïa ka bynta jong ki ban pynthikna ïa ka jingkitkhlieh ha ka rukom pynphriang ïa ki jingtip.
Ha kane ka prokram la wan ïashim bynta da ki heh jong ki heh Sorkar, ki heh jong ki tnad Sorkar bad ki riew paidbah. Kaba thmu ban pynneh ïa ka jingkhuit jingsuba, ka jingkitkhlieh, bad ka jingai jingshakri kaba paka lyngba ka jingpyntreikam hok ïa ka aiñ RTI, 2005.
