Shillong, Lber 22
Ka Nongmynsong CC bad ka Sputnik CC ki la khur jingjop ha ka (L) P.A.Sangma Memorial T20 Cricket Tournament 2026 ha ka sngi Saitjaiñ ha madan ïalehkai jong ka MCA ha Polo.
Ha kane ka lympung, ka Nongmyn -song ka la pynliem noh ïa ka Shillong Sixers da 10 wiket. Ka Shillong Sixers kaba la shimti ban tied nyngkong ka la kamai 86 run bad shah pynhap 8 wiket ha ki 17 over. Ka Nongmynsong kaba la shimti ïa ka pali kaba ar, ka la lah ban kynjoh sha ka thong da kaba kamai 89 run ha ki 7.4 over. Kane ka la wan lyngba ka jingïalehkai bha u Arpit Bhatewara uba la ïoh ban khyrwit ïa ka shiteng spah kaba 60 run na ki 30 bol bad u Kush Agarwal u la ïoh 17 run na ki 16 bol. Ïa ka nam Player of the Match la khur da u Arpit.
Haba phai sha kawei pat ka jingïalehkai, ka Sputnik CC ka la jop da 8 wiket ïa ka Capital Starts. Ka Capital Stars ka la kamai 162 run bad shah pynhap 7 wiket ha ki 20 over. U Bikash Singh u la tied 78 run na ki 43 bol bad u Saurabh Kumar u la ïoh 23 run na ki 29 bol. Haba wan shimti ïa ka pali kaba ar, ka Sputnik ka la kynjoh sha ka thong da kaba kamai 162 run bad shah pynhap 2 wiket ha ki 15.4 over. Kane ka la wan lyngba ka jingïalehkai bha u Swarajeet Das uba la ïoh ban khyrwit 100 run na ki 52 bol bad u Manish Kumar Ray u la ïoh 16 run na ki 10 bol. Katba u Joydeep Singh u la khur 1 wiket. Ïa ka nam Player of the Match la khur da u Swarajeet, uba la tied 100 run bad khur 3 wiket.
