Shillong, Lber 22
Ka ‘thei ïalehkai jngi ka Jylla ka Pdiangsuklang Syngwan ka la lah ban pynpaw ia ka jingtbit da kaba ka la khur ia ka takma rnong ha ka sngi kaba nyngkong jong ka ASMITA Women Swimming League na ka bynta ka Eastern Zone kaba la long ha Guwahati ha ka sngi Saitjaiñ.
Kane ka nongjngi kaka dei shnong trai na Shella, ka la lah ban pyndep ban wan ha ka kyrdan balai jong katei ka kyrdan ïakop kaba 50 meters freestyle Open Category bad ka la long ka jingai mynsiem ïa kiwei pat ki samla kynthei ba ki dei ban long kiba trei shitom na ka bynta ban kynjoh sha ka thong.
Lah ban kdew na ka liang ka Meghalaya Swimming Association ka la phah haduh hynriew ngut ki nongïalehkai, hynrei haduh kaba kut jong ka sngi U Blei kim shym la lah ban ban kynjoh sha ka thong bad ka tang ka Pdiangsuklang kaba la lah ban pynurlong ïa katei ka jingjop.
