Shillong, Lber 22
Ka ‘thei ïalehkai athletics ka Jylla ka Anrisha Klein ka la mih na nongbah ban leit shim bynta ha ka 1st Indoor Athletic Champion -ship 2026 ka ban long ha Bhubanes-war ka ban sdang naduh 24 haduh 25 tarik mynta u bnai.
Kane ka ‘thei ïalehkai kaba na Ri Bhoi District bad dangdon hapoh ka shlem ai jinghikai jong ka SAI Training Centre Shillong, kan shim bynta ha ka High Jump jong ka Under 20 bad yn synran ïa ka da u coach (National Games Jumper) u Sumit.
Lah ban kdew ba ka Anrisha ka la khur ïa ka takma rnong ha ka High Jump U-20 jong ka 36th East Zone Junior Athletics Championship 2025 kaba la long ha Ranchi da kaba ka la lah ban kynthih ha ki 1.51m.
