Shillong, Lber 22
Ha ka sien kaba nyngkong ka Central Ri Bhoi Cric-ket Association (CRCA) ka la sdang ïa ka 1st Central Ri Bhoi Cricket League 2026 ha ka sngi Saitjaiñ ha madan Umsning Patarim, Ri Bhoi District ha kaba u President ka Meghalaya Cricket Association (MCA) u James P.K. Sangma u la long u kongsan.
La don lang ruh u President ka RBYF, u Bah Bipul Thangkhiew kum u symbud kongsan, bad kiwei pat ba kynthup ia u SDO (C) u C. Awasthi, u heh pulit ka district u Narayan Upadhyay, u Pre -sident ka Shillong Cric-ket Association, u Bah Peter MacDonald Kharsa -wian, ki Vice President ka RBDCA, u Bah Kyr-men Uriah bad u Bah Dipul Ryntathiang, u Chairman ka Umsning Town u Bah Rocky Kylla, u President barim ka RBDCA u Bah Plielad Tiewsoh bad kiwei kiwei
Haba ai jingkren ha katei ka sngi u James u la ïaroh ba dangkhyndiat sngi la suit la shor ïa ka CRCA, hynrei ka jingshynrang mynsiem ki nongïalam, kynthup ïa u President, Bah Donkupar Sumer, u Vice President, u Bah Rocky Augustine Marweiñ bad kiwei kiwei, ka la pynlah ïa ki ban pyni da ki kam, kata ka long ban sdang noh da ka lympung ïalehkai kriket bad ba la shim bynta da ki 24 tylli ki kynhun ïalehkai bapher bapher.
Ha katei ka sngi sdang, ka Best of the Best CC, Umïam ka la pynliem ïa ka Benris CC da 5 run.
Ka Best of the Best CC, Umiam kaba la tied nyngkong ka la kamai 133 run bad shah pynhap 4 wiket ha ki 20 over. Hynrei ka Benris CC ka la kamai tang 128 run.
