Shillong, Lber 22
Ki pulit ka Ri Bhoi District ha ka sngi u Blei ki la pynlong ïa ka jingtalasi kaba jur bha ha shilynter ka surok bah ban poi shaduh Quinine.
Ki pulit ki la talalasi bad pynsangeh ïa ki kali bad kaba ki peitbniah eh ka dei bha ïa ki arshaka kiba ju ñiah sted barabor ha ka surok bah kaba don jingma ruh namar ba ka dei ka surok bah bad ki kali ki ju ïaid sted bad ïa beh.
Kane ka jingtalasi ki pulit ka long kum shibynta ban lait na kano-kano ka jingmynsaw haba ki paidbah ki ñiah ïa ki arshaka bad ki kali.
Ha kane ka jingtalasi ki pulit ki la bat, bad ki la talasi ruh ïa ki kot ki sla jong ki arshaka bad ïa ki bym don la shah daiñ kuna, da kaba bthah ba kim dei ban ñiah sted ïa ki arshaka ha ki surok bah.
