Mairang, Lber 22
Ka ophis jong ka Deputy Commissioner (Supply) ka Eastern West Khasi Hills District ka la pynbna paidbah sha baroh ki longïing kiba pyndonkam ban shet jingshet da ki tyndong Gas ba kim dei ban don kano kano ka jingsyier ne sheptieng ban don ka jingkyrduh ne jingduna ha ka jingdon ka Gas ha ka jylla.
Ha ka kyrwoh khubor, na ka liang ka ophis ka la pynthikna ba ka jingpynpoi ïa ki tyndong gas ha ka district ka long kaba biang katkum ba la ïakren bad ka Oil Marketing Companies bad ki nongsam gas (LPG Distributor).
Shuh shuh kala ong ruh ba na ka bynta ka jingïaid beit ïaid ryntih bad kumjuh ban pynïoh ïa ka jingsam gas kaba khuid ba suba, la bthah ïa baroh ki longïing kiba pyndonkam da ka gas ba ki dei ban pyndep ïa ka e-KYC ha ki jaka ba ki ju leit shim gas.
Ka khubor ka ong ruh ba lada don kino kino ki jingbym biang ha kaba ïadei bad ka rukom sam ïa ka gas ne kino kino ki jingeh, ki lah ban pyntip sha ka ophis ka Deputy Commissioner, Eastern West Khasi Hills District.
