Thiruvananthapuram:
Ki la don baroh 40 ngut ki kyrtong ka seng BJP, kynthup ïa u President ka seng ha ka jylla, u Rajeev Chandrasekhar, ki ban thep kyrteng na ka bynta ka elekshon sha ka ïingdorbar thawaiñ ka ban wan ha ka sngi Saitjaiï, ha kaba ki Myntri Rangbah ha ki jylla ba synshar ka BJP bad u Myntri ka sorkar pdeng un synran lang ïa ki.
U Myntri Rangbah ka Rajasthan, u Bhajan Lal Sharma, un synran lang ïa ki kyrtong ka BJP, kiba thep kyrteng ha Nemom (Rajeev Chandrasekhar), Vattiyoorkavu (R Sreelekha), Kazhakkoottam (V Muraleedharan) bad Kattakada (PK Krishnadas).
Katba u Myntri Rangbah ka Gujarat u Bhupendra Patel un synran ïa ki kyrtong ka BJP ha Manalur, Nattika, Thrissur bad Palakkad, u Symbud Myntri Rangbah ka Rajasthan u Prem Chand Bairwa un don bynta ha ka kynhun jong ka BJP kaba thep kyrteng ha Elathur bad ha Balussery.
U Myntri ka Law and Justice jong ka sorkar pdeng u Arjun Ram Meghwal un synran lang ïa ki kyrtong ha Kanjirapally bad ha Poonjar.
U Chandrasekhar u la ïathuh ha ki lad pathai khubor ba ïa ka thup ba khatduh jong ki kyrtong ka BJP kynthup ha ki seat kum ha Thiruvanan-thapuram bad Kannur la pynbna ha ka sngi Saitjaiñ.
