Shillong, Lber 23
U Myntri Rangbah ka jylla u Conrad K Sangma lyngba ka rynsan social media u la pynpaw ba ka sngi Nyngkong kan long ka sngi ka ban sah kynmaw pateng la pateng na ka bynta ka Garo Hills Autonomous District Council (GHADC) ha kaba la pynkylla ïa ki kyndon ïakhun ilekshon MDC da kaba pynlong ïa ki kyrtong ba kin ai ka syrnod ST ba pura ha ka por ba ki thep kyrteng ban ïakhun ilekshon sha ka GHADC.
U Conrad u la pynpaw ba kane ka long kaba donkam na ka bynta ka jingïada ïa ki trai ri trai muluk da kaba ong ba kane ka long ka jingdawa kaba la don la 74 snem.
Shuh shuh u la kyrpad bad kyntu ruh ïa ki ïingdorbar jong ka Khasi Hills Autonomous Dis-trict Council bad ka Jaiñtia Hills Autono-mous District Council ba kin shim ïa kajuh ka sienjam kumba la shim da ka GHADC bad kata ka long ban mynjur ïa ka jingpynkylla ïa ka kyndon ha kaba ki kyrtong kin hap ban ai ïa ka syrnod ST ba pura ha ka por ba ki thep kyrteng ban ïakhun ïa ka ilekshon.
