Mairang, Lber 23
Ka Janepih SC na ka Mawshynrut Sport Association ka la ïoh rung sha ka Meghalaya State League 2025-26 ka ban sa pynlong shen da ka Meghalaya Football Association.
Katei ka jinglah ban pynthikna ka Janepih SC ka la wan hadien ba ka la khur ïa ka jingjop na ka bynta ban long ka lahduh ha ka lympung ïalehkai MSL qualifier na ka West Khasi Zone, hadien ba ka lah ban pynliem noh ïa ka Mawkynroh SC kaba na TASA da 3-0 kol ha ka jingïalehkai final kaba la long ha madan Dommawlum, Mairang ha ka lah sngi U Blei.
Ha kane ka sngi la sakhi lang da u Vice President ka MFA u Dr. L.L Mawsor, kumjuh ki Executive Mem-ber ka MFA kata u Bah P. Rani bad Bah Risen Nongsiej, u Bah Lambok Nongrang, President ka Pyndeng-umïong Sports Association (PDSA), u Bah Bornard Syiemïong, Sordar Pyn-dengumïong, Bah Tlatborson Maw-long, Asst. Secretary ka PDSA bad kiwei.
Na ka liang u Dr. Mawsor u la aiti ruh ïa ka memento sha u kapten ka kynhun ïalehkai Janepih SC kum ka dak jong ka jingïoh jong ka sha ka MSL.
