Shillong, Lber 23
U rangïalehkai ka Jylla u Ronney Kharbudon u la shah khot biang sa shisien pat ban don bynta bad ka kynhun ïalehkai U-23 ka ri na ka bynta ki jingïalehkai paralok ne ka Tri-Nation pyrshah ïa ka Bhutan bad ka Tajikistan, kaba la thmu ban long ha ka 28 bad 31 tarik mynta u bnai ha Yupia, Arunachal Pradesh.
Ïa kane ka pynbna da u coach u Naushad Moosa ïa ki 24 ngut ki rangïalehkai na ka bynta ban mihkhmat ïa ka kynhun ïalehkai ka ri.
U Ronney u la ïoh ban mihkhmat nyngkong ïa ka kynhun ïalehkai U-23 ka ri ha u Naiwieng jong u snem ba la lah pyrshah ïa ka Thailand ha kaba ka India ka la shah rem da 4-0 kol.
Ha kane ka Tri-Nation, ka Bhutan kan sdang ïa ka jingïalehkai nyngkong pyrshah ïa ka Tajikistan ha ka 25 tarik mynta u bnai. Baroh ki jingïalehkai kin long ha ka por 7 baje janmiet ha Golden Jubilee Stadium.
Kumba ka paw kane ka long ka jingïalehkai bar ri kaba ar kaba la pynlong ha Arunachal Pradesh kata hadien ka SAFF U19 Championship 2025 kaba la pynlong ha katei kajuh ka stadium.
Ki kyrteng ki rangïalehkai U-23 ka India
Goalkeeper: Dipesh Chauhan, Mohanraj K & Priyansh Dubey.
Defender: Dippendu Biswas, Harsh Palande, Pramveer, Ricky Meetei Haobam, Ronney Kharbudon, Sanatomba Singh Yanglem & Subham Bhattacharya.
Midfielder: Ebindas Yesudasan, Lalremtluanga Fanai, Lalrinliana Hnamte, Macarton Louis Nickson, Mohammed Sanan K, Shivaldo Singh Chingangbam, Tomba Singh Haobam, Vinith Venkatesh & Zothanpuia.
Forward: Adison Singh Thokchom, Lalthankima, Muhammed Ajsal, Suhail Ahmad Bhat & Thoi Singh Huidrom.
