Shillong, Lber 23
Ka Meghalaya Human Rights Commission (MHRC) haba shim ‘sou motu case’, kala ai jingmut ruh ban siew bai lutksan ba T.10 lak sha ki khun jong ka longkmie ba punkhun, kaba khlad ha Jowai MCH Hospital, haba rai ba ka jingbym shimkhia ki nongai jingsumar kala lam sha ka jingïap ha u snem 2025.
Ka Commission kala shim ïa ka suo motu case ïa katei ka jingjia hadien ka jingmih ha ki kot khubor ha ka 6 tarik Jylliew, 2025. Ki bahaïing hasem na ka shnong Jalaphet, East Jaiñtia Hills, kila kynnoh ba ka jingkhlad noh jong ka longkmie ba pun khun ka dei namar ka jingkhein sting jong ki nongtrei ka hospital.
Ka kyrwoh na u Secretary ka MHRC, L Ch Marak ha ka sngi Nyngkong ka la ong ba ka tnad Health & Family Welfare ka la thaw ïa ka Enquiry Committee ha ka 7 tarik Naitung, 2025, ha kaba la shem ïa bun ki jingbym biang ba ïadei bad ka jingïap ka nongpang.”
“Ka Commission kala pynmih ïa ka hukum ba khatduh ha ka 23 tarik Lber, 2026 ba la phah sha u Additional Chief Secretary ka tnad Health & Family Welfare ka Sorkar Jylla, da ka jingai jingmut ban siew ïa ka bai lutksan ba T.10 lak, ka ban siew sha ki khun jong ka lanot khnang ba kin ïoh ïa ka jingim ba kham bha namar ba kila duh noh ïa la ka Kmie,” kala ong.
