Shillong, Lber 24
Ka kynhun ki ‘thei ïalehkai ka Jylla hapoh ka lama jong ka Meghalaya State Kickboxing Association (MSKA) ki la mih na ka nongbah ha ka sngi Ba-ar ban leit sha Chennai, Tamil Nadu ban shim bynta ha ka Khelo India Asmita Kickboxing Women’s National League 2025-26 ka ban sdang naduh 26 haduh 29 tarik mynta u bnai.
Kane ka la wan hadien ba ki la ïoh rung sha katei ka lympung hadien ba ki la lah ban ïalehkai bha ha ka Khelo India Asmita Kickboxing Women’s Zonal League na ka bynta ka East Zone kaba la long ha Siliguri ha u Rymphang mynta u snem.
Kine ki 14 ngut ki ‘thei ïalehkai ka Jylla ki kynthup ïa ka Daniella I. Wanda Mylliemngap (Low Kick Senior Female -60kg), Medariphylla Lyngdoh Nongbri (Low Kick Senior Female -56kg), Isapynbiang Lyngdoh (Point Fighting Younger Cadet -28kg), Baïahunlang Mylliemngap (Low Kick Senior Female -65kg), Damansani Kharsahnoh (Point Fighting Senior Female -45kg), Ineshabahun Dkhar (Low Kick Senior Female -52kg), Rikyntiew Nongrum (Point Fighting Senior Female -55kg), Iaribynta Kharsahnoh (Point Fighting Senior Female -50kg), Ariana N. Marweiñ (Light Contact Older Cadet Female -46kg), Mandasumar Nongphud (Musical Form Children Female Hard Style), Emiliana Papang (Point Fighting Junior Female -45kg), Lidia Wahlang (Low Kick Junior Female -52kg), Phidari Rani (Low Kick Junior Female -52kg bad ka Emiliana Susngi (Low Kick Junior Female -44kg).
Kat kum ka kyrwoh ba la pyllait da u Working President ka MSKA bad uba long ruh u dkhot ka WAKO India Kickboxing Federation, u la ong ba ki nongjop ha katei ka lympung kin ïohpdiang ïa ki khusnam pisa kiba T. 8000, T.6000 bad T.4000.
