Nongstoiñ, Lber 24
Ka New Nongstoiñ Sports Social & Cultural Club ka la pynkhreh biang ban pynlong ïa ka lympung ïalehkai 2nd Inter Kur Knockout Football Tournament 2026.
Kat kum ka khubor ba la pyllait da katei ka synjuk, la ong ba katei ka lympung la thmu ban sdang ha u Ïaïong mynta u snem. Ka khusnam ba la pynkhreh ha kane ka lympung kan long T. 1,15,000 ba kynthup ïa ka lahduh ka ban ïoh T.70 hajar, ba-ar kan ïoh T. 45 hajar ha ryngkat ki takma bad trophy.
Ki nongkitkam ka NNSSCC ki la ong ruh ba ka bai rung kan long T. 4000 kawei ka kynhun bad ka tarik kaba khatduh ban pdiang kan long ha lane shuwa ka 4 tarik u Ïaïong bad ïa ki form lah ban ïoh na Syiemlieh Sports Shop Market Complex bad ïa ki jingtip ba kham bniah ki lah ban ïakynduh ïa ki nongkitkam.
