Guwahati, Lber:
Ka kynhun kieng atiar Paresh Baruah jong ka kynhun lehnoh United Liberation Front of Assam-Independent (ULFA-Independent) ka la hiar thma ïa kawei ka ktem jong ki pulit Commando ka Assam, ha kaba ki la don kumba saw ngut ki pulit kiba la mynsaw.
Kane ka jingjia ka la jia ha Jagun kaba don ha Upper Assam ha Tinsukia District ha ka por mynstep jong ka sngi U Blei. Katkum ki khubor, ki lehnoh ki la siat bun tylli ki bom, bud sa ka jingsiat pathar bad ki pulit ki la pynphai kylla.
Na kitei ki saw ngut kiba la mynsaw, lai ngut ki la mynsaw jur bad la pynkit mar mar ïa ki sha hospital.
Ki bor pahara ki la pynlong ïa ka jingkhynra ban wad ïa ki nongthombor.
Haba kam ïa ka jingkitkhlieh halor katei ka jingshah thombor, ka kynhun ULFA-Independent ka la pynpaw ba hadien ka jingthep vote sha ka ïingdorbar thawaiñ jong u snem 2021, ka la rai ban pyrshah ïa ki kam lehnoh pyrshah ïa ki pulit.
Hynrei, katei ka kynhun, ka la bynrap, ba ki bor pahara, ki la pynïap ïa ki katto katne ngut ki dkhot jong ka.
