Shillong, Lber 25
Ka MLP ka la pynliem ïa ka Mawsyiem CC da 44 run na ka bynta ban khur jingjop ha ka P.A.Sangma Memorial T20 Cricket Tournament 2026 ba la pynlong da ka Shillong Cricket Association ha ka sngi Balang.
Ha kane ka jingïa-khun, ka MLP ka la kam trai ban tied nyngkong ha kaba ka la kamai 136 run bad shah pynhap 9 wiket ha ki 17 over. U Steve Syiemlieh u la tied 34 run na ki 20 bol bad u Ganesh Sahani u la ïoh 33 run na ki 27 bol. Katba u Deven -tion Lyngdoh bad u Bushbashisha Tohtih ki la khur mar 2 wiket na ka bynta ka Mawsyiem.
Haba wan beh ïa ka thong ka Mawsyiem ka la kamai tang 92 run bad shah pynhap 7 wiket ha ki 17 over. Kane ka la wan lyngba ka jingïalehkai bha ki nongkawang bol ka MLP kata u Wallambok Nongkhlaw uba la khur 3 wiket bad ïa ka 2 wiket da u Sylvester Mylliempdah. Katba ki nongtied ka Mawsyiem, u Devention Lyngdoh u la tied 24 run na ki 32 bol bad u Nangteibok Pariat u la ïoh 20 run na ki 24 bol. Ïa ka nam Player of the Match la khur da u Wallambok Nongkhlaw.
Haba phai sha kawei pat ka jingïakhun kaba ar, ka Langsning XI CC ka la jop da 4 run ïa ka Royal CC. Ka Langsning kaba la kam trai ban tied nyngkong, ka la kamai 137 run bad shah pynkhyllem baroh ki nongtied ha ki 19.5 over. U Ayush Agarwal u la tied 38 run na ki 39 bol bad u Nishanta Chakraborty u la ïoh 37 run na ki 15 bol. Katba u Raj Biswa bad u Reshab Dipak ki la khur mar 3 wiket na ka bynta ka Royal.
Haba wan beh ïa ka thong, ka Royal ka la kamai tang 133 run hadien ba ka la shah pynkhyllem baroh ki nongtied ha ki 19.2 over. U Swastic Chettri u la tied 37 run na ki 24 bol bad u Pringsang Sangma u la ïoh 26 run na ki 25 bol. Katba u Aaron Nongrum u la khur 2 wiket bad ïa ki 3 wiket la khur da u Bishal Roy. Ïa ka nam Player of the Match la khur da u Bishal Roy.
