Shillong, Lber 25
U President ka Meghalaya Cricket Association (MCA), u James P.K. Sangma u la kular ban ïakren bad ki bor Sorkar na ka bynta ban pynïoh ïa ka madan ïalehkai kriket kaba la long trai da ka shnong Nongthymmai, Umsning, Ri Bhoi district.
Kane ka la wan hadien ba u la leit ban jurip ha ka sngi Saitjaiñ ïa katei ka madan kaba don ha ka jingheh kaba palat 26 akar ha ryngkat ka jingsynran lang da u Rangbah Shnong ka Nongthymmai, u Bah Marshal Nongshli, kumjuh u Vice Presi-dent ka Ri Bhoi District Cricket Associa -tion (RBDCA) u Bah Dipul Ryntathiang, u President ka Central Ri Bhoi Cricket Association (CRCA), u Bah Donkupar Sumer, u Vice President ka CRCA u Bah Rocky Augustine Marweiñ, ki nongïalam shnong Nongthymmai bad kiwei.
