Shillong, Lber 25
U Mohamed Salah u la pynbna ba un mih noh na ka Liverpool ha kaba kut jong ka samoi ïalehkai bad kane kan pynkut noh ïa ka jingdon bynta ka jong u ha ki khyndai tylli ki snem bad kane ka klob jong ka Premier League.
Kane ka jingthmu ka jong u kan pynkut noh ïa ki jingïaid lynti jong ka jingjop kane ka klob, ha kaba une u rangïalehkai shakhmat na Egypt u la long u khlur ïalehkai ba kynsai jong ka Liverpool.
Haba pynpaw halor ka jingïaid lynti jong u, u Salah u la ong, “Ka Liverpool kam dei tang ka klob ïalehkai phutbol. Ka dei ka jingsngewtynnat kaba la thaw ïa ki khana bad ka mynsiem ïakhun. Ngam don kyntiew ban batai ïa ki bym don bynta bad kane ka klob.”
Ïa ka mynsiem ïalehkai jong u Salah lah ban sngewthuh lyngba ki jingïalehkai jong u. Naduh ba u la mih na ka Roma ha u snem 2017 ha ka jingsiew kumba USD 50 million, u la thep haduh 255 kol ha ki 435 tylli ki jingïaïalehkai bad pynlong ïa u kum u nongthep kol balai jong ka Liverpool haduh mynta, hadien ïa u Ian Rush (346) bad u Roger Hunt (285).
Tang ha ka Premier League, u Salah u la don bynta ban thep haduh 281 kol (189 kol bad 92 tylli kiba u la ïarap pynbuh bol), kaba paw kum kaba bun tam na kino kino ki nongïalehkai tang na ka bynta kawei ka klob.
Kumba ka paw u Salah u wan nyngkong tang kum u rangïalehkai u rangïalehkai shongben bad hadien u la long u nongïarap pynbuh bol na ka bynta ka Liverpool pyrshah ïa ka Brighton hadien ba la khot biang ïa u.
U la ïoh haduh 534 tylli ki kabu ksiar, kaba pynpaw ïa ka jinglah jong u ban ïalehkai ha baroh ki liang. Ka jingtbit ka jong u ka la paw ha ka jingthep kol, kaba thep shi kol manla ki 138 minit, bad kynjoh sha ki 100 kol tang ha ki 151 tylli ki jingïalehkai ha ka Premier League bad kane ka long ka rekod jong ka klob.
Shuh shuh u Salah u la lah ban pynpaw ïa ka jingtbit da kaba u la lah ban thep 48 kol ha ka Champions League na ka bynta ka Liverpool bad bat ruh ïa ka rekod kum ka jingstet thep kol ka klob ha Europe ha ki 55 sekhon.
Kawei kaba pynsah kynmaw ka long ba u la lah ban khur ïa ka hat-trick ha ka Champions League tang ha ki 6 minit bad 12 sekhon.
U la lah ban pynurlong ba khur nam lahduh haduh phra sien, kine ki kynthup ïa ar sien ha ka Premier League, shisien ha ka Champions League, kawei ha ka FA Cup, ar sien ha ka League Cup, ka Club World Cup bad UEFA Super Cup.
U la khur ruh ïa ka khusnam kyrpang da kaba u la ïoh ïa ka nam Golden Boot haduh saw sien ha ka Premier League, kaba ïaryngkat bad ka rekod jong u Thierry Henry.
