Shillong, Lber 26
Uwei u rangbah uba dei u nongshong shnong jong kawei na ki dong ha nongbah Shillong u la shah thok pisa lyngba ka online ha ka kyrteng ka tyndong lyer LPG.
Katkum ka khubor na ki pulit la ong ba une u rangbah u la ai ka jingujor ba ha ka 20 tarik mynta u bnai, u la ïoh pdiang ïa ka ‘message’ ka bym don kyrteng ne ithuh number ha ka mobile phone jong u, ha kaba la bthah ba un ‘click’ ha ka link kaba la ai ban siew pisa na ka bynta ka tyndong lyer LPG na ka bynta u pyrsa jong u, uba sah ha Mumbai.
Kham hadien ba une u nongujor u la ‘click’ ha kata ka link na ka bynta ban siew ïa ka pisa kaba long T.16, ka la don ka jingshah khate pisa haduh T.50 hajar na ka Bank Account ka jong u.
