Tehran, Lber:
U Myntri ka tnat kam bar ri jong ka Iran, u Abbas Araghchi, ha ka Sngi Balang u la ong ba ia ka ‘Strait of Hormuz’ la khang tang na bynta ki nongshun jongka. ka Iran ka la kren ia kane hadien ba ka US ka la byrngem bad bthah ia ka Iran ba ka dei ban pyllait laitluid ia katei ka lynti duriaw ba ju ïaid ki jhad khaïi jong ki ri bapher bad ban ym pynthud ia ka leit- ka wan jongki na katei ka bynta jong ka duriaw.
Namar u la ong ba “Ka ‘Strait of Hormuz’, ha ka jingïohi jong ngi, kam pat khangdam lut haduh kane ka kynti, ka khang tang ïa kito kiba long ki nongshun jong ka Iran.” U la bynrap ruh da kaba ong ba ka Iran ka don ka hok ban nym ailad ïa ki jhad jong ki nongshun jong ka Iran bad ki paralok jong ki.
U la ong ba ki shipai jong ka Iran ki la dep ban pyntikna ia ka jingshngaiñ jong ka lynti iaid jhad na bynta ki ri ba marjan.
