Imphal, Lber:
Ha ka por ba dang jur bha ka jingtreikam jong ki bor pahara na ka bynta ban pynlong ïa ki jingpahara ha ki jaka lum jong ka Manipur, ki pulit bad ki bor pahara jong ka jylla ki la pynlong ar tylli ki jingïatreilang ha ka 24 tarik u Lber, kaba la pynlong ban kem ïa uwei u briew bad ïoh ruh ban kurup ïa ki tiar siat siat.
Ïa une u briew uba la shahkem la tip kyrteng kum u Md Shanjit Khan (38 snem) uba shong ba sah ha Kabarastan Yairipok Bamon Leikai ha Thoubal distrik na ka shnong khappud jong ka Moreh kaba don ha Tengnoupal District. Katkum ka jingong jong ki heh sorkar, la wad ïa u Khan ha kaba ïadei bad ka ejahar kaba la mudui ha Senapati Police Station ha u bnai Nohprah jong u snem 2025.
Ki heh pulit ki la batai ba une uba la shahkem u don ka jingïadei bad ka kam runar kaba shyrkhei, watla ki jingtip ba bniah halor ka jingkynnoh donkti jong u ki dang don ha ka jingtohkit. Mynta ki pulit ki dang bteng ban tohkit bniah na une uba la shahkem ban tip tikna halor ka jingdonkti jong u ha ki kam pyntriem bad ban ïohkem ïa kiwei pat ki dkhot ba la ïatreilang bad u.
