Imphal, Lber:
Ki bor pahara ha Manipur ki la pynjur ïa ka jingtreikam ha ki thaiñ Litan bad Mongkot Chengpu jong ka distrik Ukhrul, ha kaba ki la lah ban pynpra ïa kiba bun tylli ki lynti poh khyndew ba la tih be-aiñ hapdeng kum kane ka por ba dang ïaibteng ki kynrum kynram ha ka jylla.
Katkum ki tyllong khubor ba pawnam, katei ka jingtreilang, kaba la sdang ha ka 24 tarik u Lber, ka dang ïaid shakhmat katba ki bor synshar ki dang jubab ïa ki jingeh kiba la nang jur kiba la ktah ïa katei ka thaiñ ha kine ki khyndiat sngi ba la dep.
Ha ka 25 tarik u Lber, ki bor pahara ki la pynpra ïa ki 6 tylli ki lynti krem ba la tih beaiñ ha ki shnong ba sharum jong ka Litan bad Mongkot Chengpu, kaba la wanrah ïa ka jingjop kaba khraw kum shi bynta ban ïakhun pyrshah ïa ki kam sniew kiba lah ban jia.
Ki heh pulit ki la pynpaw ba ka jingpyntreikam kaba long pyrshah ïa kiba bun ki lynti krem ba la tih beaiñ ha ka thaiñ Litan kaba la shah ktah jur ha ki jingïakynad, mynta ka la lait na ki jingjia kiba lah ban kham jur kumba la sakhi ha ki por ba la leit bad kane kan khanglad ïa ki jingjia basngewsih kiba lah ban mih na ki jingïakynad.
Kane ka jingtreikam ka long shi bynta jong ka buit treikam kaba kham jylliew ban tehlakam ïa ka jingïakynad bad ban ïada na ka jingjur shuh shuh ha ka thaiñ lum kaba rit paid.
Ki bor pahara ki dang don ha ka jingpynkhreh kaba jur, ha kaba ki shipai ki la buh ryntih ha kylleng ki jaka ba kongsan ban pynneh pynsah ïa ka shongsuk shongsaiñ.
Ki bor synshar ki la pynpaw biang ïa ka jingkular jong ki ban pynphai biang ïa ka jinglong jingman ha ka thaiñ, da kaba pynksan ba ki jingtreikam kin ïai bteng haduh ba baroh ki jingma kin shah pynduh bad ïa ka jingsuk kan sa pynskhem biang.
Ka jinglong jingman ka dang ïai bteng ban buddien bha, ha kaba ki heh sorkar ki kyntu ïa ki nongshong shnong ban ïatreilang bad ki bor pahara bad ban kiar na ki kam kiba lah ban pynjur ïa ka jingïakynad.
